Kontraŭ problemoj pri produktaĵa kvalito kaj manĝaĵa sekureco, de la tria tagdeko de aŭgusto, la ĉina registaro disvolvas kvar-monatan fakan laboron pri produktaĵa kvalito kaj manĝaĵa sekureco tra la tuta lando. La laboro koncernas ĉefe agrikulturaĵon, prilaboritan manĝaĵon, restoracian aferon, medikamenton, porkaĵon, importatan kaj eksportatan produktojn kaj similajn.

En la lasta tempo de pli ol unu monato, diverslokaj registaroj alprenis ordigajn rimedojn kaj ĝustatempe traktis la trovitajn problemojn. Nun pli ol 70% de agrikulturaĵoj estas kontrolataj pri kvalito kaj sekureco; 80% de entreprenoj prilaborantaj manĝaĵojn estas licencitaj; 94% de pograndaj bazaroj en grandaj kaj mezaj urboj en la tuta lando estas kontrolataj.