La 16-an de oktobro en Pekino daŭras la 17-a Tutlanda Kongreso de la Komunista Partio de Ĉinio. Hu Jintao, ĝenerala sekretario de la Centra Komitato de KPĈ, kaj aliaj ĉefaj gvidantoj de la partio partoprenis diskuton de iuj delegacioj kaj ekzamenis raporton de la kongreso kune kun reprezentantoj.

Tiutage Hu Jintao partoprenis diskuton de delegacio de la provinco Jiangsu. Zorge aŭskultinte parolojn de reprezentantoj, Hu Jintao faris parolon kiel reprezentanto de la delegacio de la provinco Jiangsu rilate al lernado de la raporto. Li diris, ke la raporto estas kristalaĵo de saĝeco de la partio kaj ĉinaj diversnaciecaj popolanoj; post diskultado kaj revizado en la kongreso, la raporto certe povos esti la politika manifesto kaj la agada programo por disvolvi plu la socialismon kun la ĉina karaktero sur la nova historia startpunkto.

Wen Jiabao partoprenis diskuton de delegacio de la provinco Sichuan. Li emfazis, ke Ĉinio senŝanceliĝe persistos en la socialisma vojo kun la ĉina karaktero, praktikos plu la reformadon kaj malfermon, efektivigos plu la koncepton pri scienca disvolvo kaj akcelos konstruadon de la harmonia socio.