De lastaj tagoj amikaj partioj kaj organizoj de iuj landoj kaj iliaj gvidantoj telegrame aŭ letere gratulas okazigon de la 17-a Tutlanda Kongreso de la Komunista Partio de Ĉinio.

En la gratula letero, iraka prezidento kaj gvidanto de la iraka Kurda Patriota Unio, Jalal Al-Talabani, diris, ke KPĈ ludis elstaran kaj historian rolon gvidante la grandan ĉinan popolon en la batalo por akiri liberiĝon, ŝtatan reunuiĝon kaj civilizacion kaj ankaŭ faris grandan kontribuon por efektivigi mondan pacon, pacan kunekziston kaj sinceran kunlaboron inter diversaj popoloj de la mondo.

Navichandra Ramgoolam, gvidanto de la maŭricia Laborista Partio kaj ĉefministro, diris en sia gratula letero, ke KPĈ certe akiros pli brilan atingon sur la vojo al la harmonia socio kaj modernigo.

Chea Sim, prezidanto de la kamboĝa Popola Partio kaj prezidanto de la kamboĝa Ĉambro de Reprezentantoj, diris en la gratula letero, ke la 17-a Tutlanda Kongreso pasigos novan agadan programon kun grava signifo, tio antaŭenpuŝos Ĉinion al pli prospera kaj potenca estonteco.

La Komunista Partio de Francio esprimas sinceran saluton al KPĈ kaj deziras plenan sukceson al la 17-a Tutlanda Kongreso de KPĈ.

En la gratula letero la Centra Komitato de la Komunista Partio de Japanio esprimis elkoran gratulon al KPĈ pro okazigo de la 17-a Tutlanda Kongreso. La letero diras, ke pliprofundigo de la rilatoj inter la du partioj faros kontribuon al disvolvo de la amikaj rilatoj inter dulandaj popoloj kaj ankaŭ al la paco de Azio kaj la mondo.

Maldekstra Partio de Germanio esprimas varman gratulon al KPĈ pro la 17-a Tutlanda Kongreso de KPĈ. En sia gratula letero ĝi diris, ke en tutmondiĝo la socialisma politika celo de Ĉinio, kiu klopodas por serĉi disvolviĝon, bonhavon kaj por ke ĉiu popolano partoprenu la socian disvolvon, estas kompakte ligita kun la monda klopodo por justeco, paco, demokratio, socia evoluo kaj mediprotekto.

Gagic Tsarukian, prezidanto de la Prospera Armena Partio, diris en la gratula letero: "La armena popolo bone konas la ĉinajn historion kaj tradicion kaj rimarkindan atingon, akiritan de la granda amika ĉina popolo en ekonomio, scienco, kulturo kaj aliaj kampoj. Ni alte atentas kaj subtenas disvolvon de la reciprokutilaj rilatoj inter la du landoj."

Marcelo Schilling, ĝenerala sekretario de la ĉila Socialista Partio, diris en sia gratula letero: "Okaze de la 17-a Tutlanda Kongreso de KPĈ, la tutlanda Estrara Komitato de la Socialista Partio esprimas varman graluton kaj sinceran saluton. Ni deziras plenan sukceson al la kongreso kaj priatendas, ke la kongreso montri plu la direkton por konstrui justecan kaj solidaran socion kaj feliĉigi la ĉinan popolon."

Nguyen Thi Binh, prezidanto de la vjetnama Paca kaj Disvolva Fonduso, diris en la gratula letero: "Ni deziras, ke la 17-a Tutlabnda Kongreso de KPĈ plene sukcesu kaj faru kontribuon por antaŭenpuŝi la socialisman konstruon kaj por la paco, amikeco kaj prospero de la azi-pacifika regiono kaj la mondo."

Pierre Mauroy, prezidanto de la franca fonduso Jean-Jaures kaj eksa ĉefministro, diris en sia gratula letero, ke sub la gvidado de KPĈ, Ĉinio firmigos plu la akiritan gravan atingon kaj faros pli grandan kontribuon por protekti la pacon kaj medion."