Ekfunkciis oficiala retejo de ĉina Ŝtata Stadiono "Birdnesto", la ĉefa sportejo de la Pekinaj Olimpikoj. Jen la adreso www.n-s.cn. Ĝi estas establita kiel platformo montranta la stadionon al retumantoj de la tuta mondo.

En la Ŝtata Stadiono okazos inaŭguro, fermo kaj multaj gravaj matĉoj de la Pekinaj Olimpikoj. La retejo komunikas al la tuta mondo oficialajn informojn pri la stadiono en la ĉina kaj angla lingvoj per 3-dimensia virtuala teknologio. Ĝi konigas al retumantoj arkitekturan karakteron de la stadiono kaj ankaŭ liveras informojn pri trafikaj linioj kaj instalaĵoj ĉirkaŭ la stadiono.