La 15-an de januaro en Pekino, ĝenerala sekretario de la Centra Komitato de la Komunista Partio de Ĉinio Hu Jintao emfazis, ke la Komunista Partio de Ĉinio fortigos konstruadon por honesteco kaj kontraŭ korupteco, kun la sistemo de puno kaj prevento de korupteco kiel grava punkto.

Hu Jintao diris en sia parolado en la kunveno de la Disciplino-Ekzamena Komisiono de la Centra Komitato de la partio, ke en praktikado por honesteco kaj kontraŭ korupteco, necesas referenci fremdlandajn utilajn agmanierojn, krei novan pensfadenon en la laboro kaj pli science kaj pli efike preventi kaj elimini koruptecon.