Partoprenante en diskutkunveno de la tibeta delegacio de la Tutlanda Popola Kongreso, Hu Jintao diris, ke oni devas praktike garantii kaj plibonigi popolan vivon, fortigi laboron pri naciecoj kaj religio kaj plenforte protekti harmonion kaj stabilecon de la tibeta socio.

Wu Bangguo, prezidanto de la Konstanta Komitato de la Tutlanda Popola Kongreso, partoprenis en diskutkunveno de la delegacio de Guizhou-a provinco. Komence de la kuranta jaro, la provinco suferis pro pluvneĝa kaj frostega katastrofo. Wu Bangguo esperas, ke diversnaciecaj popolanoj de la provinco plenforte bone faros postkatastrofan rekonstruadon kaj klopodos por redukti perdiĝon al minimuma grado.