La 11-an de marto en Pekino, Xie Zhenhua, vicdirektoro de la ĉina Ŝtata Komisiono pri Disvolvo kaj Reformado, diris, ke la ĉina registaro estas respondeca kaj volas dialogi, kontaktiĝi kaj teknike kunlabori kun iu ajn lando por respondi al la klimata ŝanĝiĝo.

Tiutage en la gazetara akcepto, okazigita por la 1-a sesio de la 11-a Tutlanda Popola Kongreso, Xie Zhenhua diris, ke nun la mondo alfrontas defion el la klimata ŝanĝiĝo, kiu rilatas al ekzistado de la homaro kaj evoluo de diversaj landoj; la ĉina registaro alte atentas la laboron kontraŭ la klimata ŝanĝiĝo kaj vigle partoprenas multflankajn intertraktadojn kaj duflankajn kunlaborojn pri la klimata ŝanĝiĝo; Ĉinio intensigos internacian kunlaboron en tiu ĉi kampo.