La 29-an de marto, en Pekino okazis Simpozio pri Ĉina Sonĝo kaj Harmonia Mondo, 2008. Preskaŭ 200 delegitoj de diversaj flankoj kune kolektiĝis kaj faris interfluon kaj diskutadon pri verdaj Olimpikoj, ĉina sonĝo, 30 jaroj de la reformado kaj malfermo kaj tiel plu.

Ĉina vicministro pri eksteraj aferoj Zhang Yesui montris, ke antaŭenpuŝo de konstruado de harmonia mondo estas longa kaj komplika procezo. Ĉinio estas kaj inicianto kaj praktikanto de la pledo de harmonia mondo. La fortiĝa Ĉinio certe faros pli grandan kontribuon por konstrui harmonian mondon.

Komitatano de Internacia Olimpika Komitato He Zhenliang diris, ke post bruligo de olimpika torĉo komenciĝis procezo de realiĝo de ĉina olimpika sonĝo. Ĉiuj rimarkis, ke dum bruligo kaj transdono de la torĉo estas iuj intervenoj. Li diris, ke Olimpikoj estas festivaloj de la tutmondaj popolanoj, tamen iuj homoj ne volas vidi la sukceson de la festivaloj.

Estro de delegacio de EU en Ĉinio Serge Abou esprimis, ke la disvolviĝo de Ĉinio ne estas minaco al Eŭropo, sed estas ŝanco. La rilatoj inter Ĉinio kaj EU ne povas fariĝi 'ostaĝo' de iuj aferoj.