| Post kiam okazis la tertremo kun 7,8 gradoj en la gubernio Wenchuan de la ĉina provinco Sichuan, registaroj kaj gvidantoj de iuj landoj kaj respondeculoj de iuj internaciaj organizoj sinsekve esprimis la simpation al Ĉinio.
La 12-an de majo, japana ĉefministro Fukuda Yasuo, rusa prezidento Medvechev, usona prezidento Bush, franca prezidento Sarkozy, pakistana prezidento Musharraf, germana ĉefministro Merkel, slovenia ĉefministro Jansa, pollanda prezidento Kaczynski, serba prezidento Tadic, kuvajtia Emiro Al-Sabah respektive leteris aŭ telegramis al ĉina ŝtata prezidanto Hu Jintao por esprimi la sinceran simpation, kaj multaj gvidantoj esprimis liveri la helpon al plagitaj regionoj de Ĉinio.
Ĝenerala sekretario de UN Ban Ki Moon, en la nomo de UN, esprimis simpation al la ĉinaj registaro kaj popolo, kaj diris, ke UN plenforte subtenas kontraŭkatastrofan laboron de Ĉinio. Ankaŭ prezidanto de Internacia Olimpika Komitato Rogge leteris al Hu Jintao dirante, ke antaŭ la katastrofo, la Internacia Olimpika Komitato firme staras kune kun la ĉina popolo. Krome, ministerioj pri eksteraj aferoj de Francio, Israelo, Turkio, Irano, Singapuro, Argentino kaj Komisiono de Eŭropa Unio respektive esprimis la zorgon kaj simpation al Ĉinio pro sufero de la tertremo. |
