Raportisto informiĝis de la komanda centro pri riskinformado kaj danĝerelimino de la obstaklita lago ĉe Tangjiashan, ke la 7-a de junio je 8 minutoj post la 7-a horo la lago komencis ellasi inundon tra fosita kanalo; la akvofluo estas pli kaj pli torenta, kaj ĝis la 19-a horo la flukvanto atingis ĉirkaŭ 10 kubajn metrojn ĉiusekunde.

Por eviti digrompiĝon, pli ol 200 miloj da loĝantoj en la malsupra baseno de la lago estas evakuitaj al sekuraj lokoj. Konstrubrigado fosis kanalon longan je pli ol 400 metroj por la ellaso de inundo. Nun oni fosas alian kanalon ĉe la maldekstra bordo por ellasi la senĉese kreskantan inundon el la lago.