La 7-an de septembro en Pekino, ĉina ĉefministro Wen Jiabao intervidiĝis kun Han Seung-soo, ĉefministro de Korea Respubliko, kiu venis por ĉeesti al la inaǔguro de la Pekinaj Paralimpikoj.

Wen Jiabao diris, ke Ĉinio esperas per sukcesa okazigo de la paralimpikoj kuraĝigi kaj helpi handikapulojn plibone partopreni en socia vivo kaj altigi sian koncepton pri kontribuo kaj servado al la socio.

Han Seung-soo diris, ke la ĉinaj registaro kaj popolo faris grandegajn klopodojn por sukcesigi la Pekinajn Olimpikojn kaj Paralimpikojn kaj akiris admiradon de la tuta mondo.