La 18-an de septembro, la ĵurnalo Renmin Ribao, plej aŭtoritata en Ĉinio, gratulas fermiĝon de la Pekinaj Paralimpikoj, per aperigo de ĉefartikolo.

La ĉefartikolo diras, ke en la pasintaj pli ol dek tagoj sportistoj el diversaj landoj kaj regionoj de la mondo prezentis al la tuta mondo distingan kaj altnivelan sportkunvenon per elstara ludo kaj nefleksebla spirito.

Ĝi diras ankaŭ, ke okazigo de la paralimpikoj pruvas, ke handikapuloj de la tuta mondo estas neneglekteblaj grandaj grupoj, kaj pro tio, diverslandaj registaroj havas la devon helpi al ili venki malfacilojn, neeviteblajn pro kripleco, en la fundamenta vivo, kuracado, edukado, enoficiĝo kaj partopreno en la socia vivo.