| La 3-an de marto en Pekino, inaŭguriĝis la 2-a Sesio de la 11-a Tutlanda Komitato de Ĉina Popola Politika Interkonsiliĝa Konferenco. Transmaraj amaskomunikiloj faras la vastan raportadon pri tio, kaj aparte atentas pri ĉinaj rimedoj celantaj akceli la ekonomian kreskon kaj teni la socian stabilecon en la tutgloba financa krizo.
En la sama tago, usona novaĵagentejo raportis, ke estas la unua fojo por Ĉinio kunvoki jarkunvenojn de Tutlanda Popola Kongreso kaj Ĉina Popola Politika Interkonsiliĝa Konferenco post eksplodo de la tutgloba financa krizo, kaj oni vaste atentas pri pluapaŝa ellaborado de ekonomi-stimulaj rimedoj.
La brita novaĵagentejo Reuters diris, ke la ekonomio kaj socia stabileco estas la du ĉefaj diskutaj temoj de la du jarkunvenoj.
La japana novaĵagentejo Kyodo News Agency diris, ke la jaro 2009 estas la 60-a datreveno de fondiĝo de la nova Ĉinio, teni la ekonomian kreskon kaj socian stabilecon estas la grava celo de Ĉinio.
La rusa semajna revuo Expert diris, ke la jarkunvenoj reasertos la celon teni la ekonomian kreskon je 8%, kaj emfazos solvi la problemon pri senlaboreco. |
