Karaj retlegantoj, en la 1-a de septembro, en kinejoj de ĉinaj diversaj lokoj, projekciiĝis filmo "Juĝo en Tokio", kiu estis kameraata laŭ historia evento. La filmo kun granda spektaklo estas plene laŭdata de specialistoj kiam ĝi estis prove projekciita, tamen ĝia kameraada procezo estas plena de malfacilaĵoj. Nun ni konigas al vi reĝisoron de la filmo Gao Qunshu kaj la filmon "Juĝo en Tokio".

La filmo "Juĝo en Tokio" reaperigas tian fenomenon, ke en 1946, malproksim-orienta internacia milita tribunalo konsistanta el 11 landoj, faris justan juĝon al 28 japanaj militkrimuloj, kiuj projektis kaj lanĉis agresan militon. En la filmo, ĉinaj juĝisto Mei Ru'ao, prokuroroj Xiang Zhejun kaj Ni Zheng'ao sub giganta premo de potenca lando, forte kaj firme eksplikis opinion por malkovri realecon kaj finfine 7 unuaklasaj japanaj militkrimuloj gajnis meritan punadon. Krom la ĉefa linio kun la reala rakonto, la filmo ankaŭ fikcias malĝojecon, malamon kaj venĝon de iu ordinara japana familio post la milito. Per kameraado de efektivaj okazaĵoj, la filmo aperigas rivalon inter justeco kaj perverseco en la malproksim-orienta internacia milita tribunalo kaj estas ege animskua. Reĝisoro Gao Qunshu opinias, ke la filmo "Juĝo en Tokio" estas filmo, kiu faras memkritikon pri milito, aperigas kaj ripetas historion, ĉio ĉi tio celas tion, ke homoj oponas kontraŭ milito kaj alte taksas pacon. En unujara prepara kaj kamerada procezo, Gao Qunshu kaj liaj kolegoj spertis multajn eksteratenditajn malfacilaĵojn kaj inter ili, la plej granda malfacilaĵo estas tio, ke ili ne povas rigardi eĉ unu kompletan noton pri juĝado. Li diris:

"La plej granda malfacilaĵo por ni estas serĉi historian realecon. En Ĉinio estas malmultaj notoj pri tio kaj materialo estas ege limigita. Ni serĉis materialojn en Ŝtata Biblioteko kaj bibliotekoj en diversaj lokoj, finfine ni unue klare sciis la historian realecon. Plej objektiva kaj valora materialo estas referencita laŭ libroj el Japanio."

Gao Qunshu diris, ke lia kameraado de la filmo "Juĝo en Tokio" unue celas realecon kaj poste estas bona rigardsento. Por strebi al realeco de la filmo, la filmo prenas koloron de malhela verdo kiel la ĉefa etoso por esprimi urĝecon de la evento kaj kovritan socian senton. Povas esti dirite, ke en la filmo, formo de vivecaj homfiguroj estas plej sukcesa, ili estas 11 juĝistoj el diversaj landoj kaj 29 ĉefaj respondeculoj de milito.