.gif)
Programo (Julio 13)Ĉe la piedo de la ĉefpinto de la monto Minshan je altitudo de 3 145 ĝis 3 578 metroj, troviĝas ora kalcia karbonido longa je 3,6 kilometroj. Ĝi aspektas kiel drako serpentumanta en la montaro, kaj pro tio oni nomas ĝin Huanglong (Flava Drako). Sur kalcia karbonido dislokiĝas pli ol 3 400 lagetoj, la plej granda areas je muo, kaj la plej malgranda nur je ĉirkaŭ unu kvadrata metro. Ankaŭ ilia profundeco diferencas inter pli ol 3 metroj kaj pli ol 10 centimetroj. Aparte ĉarma estas la koloro de lageta akvo. Malgraŭ ke la lagetoj devenas de la sama fonto, tamen la akvo aŭ smeralde verda, aŭ agate ruĝa, aŭ ebure blanka, aŭ mozaike kolora. Videblas ankaŭ sennombraj akvofaloj grandaj kaj malgrandaj, kiuj similas al arĝentaj silkaĵoj kaj flirtas en la vento. Ĉi tie ankaŭ vivas raraj animaloj, kiaj grandaj pandoj, neĝkokoj ktp.
La pitoreskejo Huanglong estas belega je karakterizaj naturaj pejzaĝoj kaj mistera trajto kaj havas la grandan valoron sciencan kaj estetikan. Pro la unika geografia situo, ne mankas al la pejzaĝoj interesaj mitoj kaj legendoj.
Ĉi tie troviĝas natur-dotitaj kalciaj karbonidoj, kiuj estas aparte unikaj en la mondo, kaj tio estas vera natura muzeo de kalcia karbonido.
En la pitoreskejo estas ankaŭ tri glaciejoj, kiuj estas dissemitaj en la montoj Xuebaoding, Xuelanshan kaj Menfengdong.
En decembro de 1992 la pitoreskejo Huanglong estis enlistigita kiel monda natura heredaĵo. Monda Heredaĵa Komitato tiel taksas: Huanglong estas montvalo konsistanta el multaj neĝkovritaj montpintoj kaj glaciejoj. Ĉi tie videblas alpaj pejzaĝoj, karakterizaj arbaraj ekologiaj sistemoj, akvofaloj, termofontoj kaj karstaj montvaloj. Ĉi tie ankaŭ vivas raraj animaloj, kiaj grandaj pandoj, orharaj simioj ktp.
