Vilaĝoj en Wuyuan

Wuyuan troviĝas en la nordorienta parto de la provinco Jiangxi, najbare kun la provincoj Anhui kaj Zhejiang. Ĝi ĝuas grandan famon kiel plej bela vilaĝo en Ĉinio pro siaj naturaj vidindaĵoj kaj antikvaj konstruaĵoj.

La plej bona tempo por vizito al Wuyuan estas printempo, precipe aprilo, kiam la montoj flamas pro rododendroj, la montdeklivoj estas punktitaj per verdaj tearboj kaj la kampoj estas kovritaj de flavaj kolz-floroj.