Shannan—fontejo de Tibet-nacieco

Karaj amikoj, Shannan-regiono de meza kaj malsupra baseno de Yaluzangbu-rivero, sude de montoj Nianqing-Tanggula kaj Gangdisi, estas plej riĉa je profunda historia kulturo, konsiderita kiel fontejo de tibeta kulturo, kaj loko por beatigi animon de tibetanoj. Nun ni kune vizitu Shannan—fontejon de tibeta kulturo.

En Tibeto cirkulas legendo, ke la prapatro de tibetanoj estis mirsimio praktikanta budhismon en Shannan. Zedang, la ĉefurbo de Shannan, en la tibeta lingvo signifas "ebenaĵon kie ludas simio".

Shanan-regiono havas longan historion, okupas gravan lokon en tibeta historio kaj kulturo. Pro tio, ke ĝi situas ĉe baseno de Yalong-rivero, Shannan iam nomiĝis Yalong. Laǔ la historiaj dokumentoj, interpopolanaj legendoj kaj arkeologiaj eltrovoj, jam vivis praloĝantoj de Tibeto ĉe Yalong-rivero antaǔ milionoj da jaroj .

En Shannan la plej fama historia kaj kultura heredaĵo estas Palaco Yumbu Lhakhang, la unua palaco en la tibeta historio, kiu ekkonstruiĝis en la 2-a jarcento antaǔ Kristo, por la unua tibeta Tsanmpo (reĝo) Niechi. Loĝis ĉi tie ankaǔ la plej fama tibeta reĝo Srongsten Gampo kaj lia edzino princino Wencheng. Post la finkonstruo de Potala Palaco en Lasao, la palaco Yumba Lhakhang estis transformigita kiel templo. Estro de Shannan-a Turisma Buroo sinjoro Qiu Lin diris:

"En tibeta lingvo, Yumbu Lhakhang signifas palacon de cervina kruro, la nomo devenis de la monta konturo. Rigardate el la kontraǔa altmonto Yumbu Lhakhang kvazaǔas al iranta cervino. La nomo ja devenis de tio."

En la palaco Yumbu Lhakhang estas konservitaj rafinitaj freskoj, kiuj rakontas la historion de la unua tibeta Ptsampo Niechi, tiujn de tibetaj unua konstruaĵo kaj unua peco da agro. Nun Yumbu Lhakhang jam estas pilgrimejo nepre vizitata de tibetanoj vojaĝantaj en Shannan. Tibeta junulo Tsreng Nyima diris:

"Yumbu Lhakhang estas la unua palaco de Tibeto. Sekvis ĝin la unua peco da kampo kaj la unua vilaĝo, poste aperis la unua volumo da sutroj kaj la unua Btsanpo (reĝo) de Tibeto. Religiuloj de Tibeto, Qinghai, Yunnan, Gansu, Sichuan nepre vojaĝas al Shannan por pilgrimi al Yumbu Lhakhang. Cetere en la templo estas statuo de Ŝakjamunio kaj historiaj objektoj."

Krom la longtempa legendo, la arkitekturo de Yumbu Lhakhang estas distinga. La plej okulplaĉa parto estas belfrido masonita per ŝtonoj. La kvadrata belfrido faras Yumbu Lhakhang des pli majesta kaj pompa. La turodomo de Yumbu Lhakhang kun kvar anguloj rektaj aspektas fortika kaj nedetruigebla. Malsame ol en landinterno, ĉi-tieaj konstruaĵoj prenas ŝtonojn tute senprilaboritajn en natura formo, tiel ke la konstruaĵoj el ŝtonoj kaj lignaĵoj estas ankoraǔ bone konservataj dum miljara pluvo kaj ŝtormo. Ili grave influas la konstruon de aliaj lokoj de Tibeto. Sinjoro Qiu Lin diris:

"Yumbu Lhakhang estas influhava en tibeta historio pro sia aparta situo kaj alistila konstruo. El la arkitekturo, ĝi estas la unua konstruaĵo en la tibeta historio, kaj estas simbolo, ke la tibeta socio transformiĝis el paŝtado al agrikulturado. Cetere, la strukturo de Yumbu Lhakhang estas aparta, ĝia tegmento estas ŝtupara kaj plata, tia strukturo faras la konstruaĵon tre solida. Ĝi grande influis la arkitekturon de Tibeto, inkluzive de konstruado de Potala Palaco."

La templo Mindroling estas distinga inter multaj temploj en Shannan. Ĝi estas ĉefa templo de Nyingmapa-sektoro sub tibeta budhismo, ekkonstruiĝis en la mezo de la 17-a jarcento. La budhistoj en la templo estas famaj pro belarta kaligrafio. Ili tre alte taksas studon de astronomio, kalendara kalkulado kaj medicino. La templo Mindroling sidas en la okcidento kaj rigardas al la oriento, ĉirkaǔata de montaro kun graciaj pejzaĝoj. La medio estas ĉarma. La templo, kun multflankaj muroj, areas ĉirkaǔ 100 mil kvadratajn metrojn. Sur la pordaj kadroj kaj linteloj kaj sur la muroj estas pentritaj budhismaj gardantoj kun pluraj kapoj kaj brakoj kaj timigaj mienoj. Laǔ la tibeta budhismo, tiuj gardantoj defendas la templon kontraǔ demono. La dura konturo kaj troiga figuro ja estas esprimo de esoterismo en tibeta buddhismo.

Sinjoro Jampel estas abato de la templo Mindroling. Li diris, ke en la gravaj festoj laǔ la tibeta kalendaro, alvenas tibetanoj el diversaj lokoj por pilgrimi al la templo. Li bonvenigas, ke turistoj vizitu la templon kaj konu tibetan budhismon.

"La Templo Mindroling estas ĉefa templo de Nyingmapa-sektoro sub tibeta budhismo. Ni bonvenigas turistojn tra la mondo veni ĉi-tien por fari viziton kaj pilgrimadon."

Nun, Shannan-regiono allogas al si turistojn de la tuta mondo, dum tibetanoj el Qinghai, Gansu, Yunnan, Sichuan kaj aliaj lokoj venas tien por serĉi spurojn de siaj prauloj. Tibeta junulo Tsering Nyima diris:

"En Shannan, en Yumbu Lhakhang, ni konas la fonton de tibeta Yalong-kulturo. Ni scias kiel antropoido fariĝis homo. Estante posteulo de Tibeto, mi fieras pro nia Yalong-kulturo enhavanta tiujn konstruaĵojn."