Monda Kultura Heredaĵo---Ruino de Shangdu de la dinastio Yuan

El: CFP (Uzo de tiu ĉi foto estas permesita kaj la kopirajto apartenas al CFP)

Shangdu, kiel la unua ĉefurbo de Yuan-dinastio, okupas tre gravan historian pozicion. Imperiestroj restis en Shangdu je duona jaro en ĉiu jaro por fari ĉasadon kaj administradon de ŝtataj aferoj.

Shangdu estis la unua stepa ĉefurbo fondita de la antikva mongola imperio, post unuigo de ĉiuj mongolaj memstaraj regnoj kaj la eniro en la Centran Ebenaĵon. Cetere ĝi estis ankaŭ politika, ekonomia kaj kultura centro de Yuan-dinastio. Kublaj-Ĥano finis la longatempan separatisman regadon kaj fondis la unuiĝintan ŝtaton en Ĉinio. Tiam aperis la senprecedenca kaj eksterordinare grandskala unuigo de Ĉinio. La fondiĝo de Yuan-dinastio markis formiĝon kaj disvolviĝon de la ŝtato kun multaj etnaj grupoj en la ĉina historio kaj ĝi havis mejloŝtonan signifon.

Cetere, Shangdu havas rektajn rilatojn kun vojaĝnotoj de Marco Polo, en kiu Marco Polo nomis Shangdu kiel Xanadu---"Magia Ĝardeno". Nuntempe eŭropanoj kaj usonanoj kutime priskribas magian kaj belan lokon per la vorto Xanadu.

En la 29-a de junio 2012, la 36-a sesio de la Monda Heredaĵa Komitato opiniis, ke Shangdu, kiel ĉefurbo de Yuan-dinastio, montras karakterizon de kultura kunfandiĝo kaj atestas kolizion kaj miksiĝon de nomada kaj terkultiva civilizacioj. Tial ĝi estis enlistigita kiel monda kultura heredaĵo.