.gif)
Programo (Julio 13)
（Fotas Zhao Wenqi, Venki)
(Raporto el edukado.net, raportis Katalin Kovats, baze de la informoj de Xiaofeng Gong. )
La 5an de novembro en Ĉinio okazis la antaŭlasta KER-sesio de la jaro 2016.La ekzamenon organizis Katalin Kovats de edukado.net en Ĉinio, en la urbo Quanzhou kadre de la 8a Azia Kongreso de Esperanto. La loka ĉeforganizanto estis profesorino Xiaofeng Gong (Arko), kunekzamenanto estis d-ino Ilona Koutny kaj helpis Zhao Venki.
Al la sesio aliĝis 23 kandidatoj (21 ĉinoj, 1 iranano kaj 1 filipinano). Fine nur 21 trapasis la skriban ekzamenon, laŭ la nivelo C1 8 kandidatoj, 3 kandidatoj je nivelo B2 kaj 10 je B1.
Se tiuj 21 kandidatoj sukcesos, ni havos entute 1822+21 sukcesintojn. La ĉi-jara rikolto estos 156 kandidatoj kaj Ĉinio havos 71 trapasintojn.
La sekva kaj ĉi-jare la lasta sesio okazos en Tecamac, Meksiko, komence de decembro, al kiu sesio jam aliĝis 16 kandidatoj.
(Profesorino Xiaofeng Gong sigelas ekzamenajn paperojn, fotas Lin Lisha.)
Ni informas, ke ni ne povas ankoraŭ decidi pri la sekvontjaraj sesioj, do, ankaŭ ne pri la dato de la Tutmonda Ekzamentago, ĉar la traktado pri la ekzamenadkondiĉoj inter edukado.net/Katalin Kovats kaj UEA bedaŭrinde ankoraŭ ne finiĝis.
(Fotas Zhao Wenqi, Venki)
