Pli ol 20 000 homoj ekzamenitaj kun rezulto de pozitiva reakcio je kronviruso en Italio

Laŭ novaj donitaĵoj publikigitaj de la Departemento pri Civila Protekto, la kronvirusa epidemio forprenis 368 vivojn dimanĉe en enfermita Italio,.

Nokte en televida gazetara konferenco, estro de la Departemento pri Civila Protekto Angelo Borrelli konfirmis, ke 20 603 homoj estis ekzamenitaj kun la rezulto de pozitiva reakcio je la kronviruso kaj 1 809 mortis, de post kiam la epidemio unuafoje aperis en norda Italio la 21an de februaro.

La nombroj estas pli grandaj ol la oficiala kalkulo sabate vespere de 17 750 homoj infektitaj, 1 441 mortintaj, kaj 1 966 resaniĝintaj.

"Samtempe, 2 335 pacientoj resaniĝis," diris Borrelli, kiu estas ankaŭ la nacia komisaro respondeca pri la kronvirusa krizokazaĵo.