Bambuoj

(Mao Zifu)

el radiko forgesita

bambuoj evoluas bakterie

al duonmonto da verda maro.

venkinte ŝtonojn kaj herbojn,

ili starigis sian klanon

sur la deklivo inter vento kaj nebulo.

por gardi la teron flueman

ili plugas kaj sarkas nur kaŝe.

ne necesas trinki sangon

nek vori viandon kaj animon.

prospero venas de pluvo

kaj folioj, kiuj falis metabole.

for de ŝtelo kaj prirabo,

memsufiĉeco tenas la klanon fortika.

nokte tondroj detruis membrojn,

la novaj kreskis el la tero en mateno.

tiuj bambuoj havas spiriton

de nacio, kiu ne pereas pro konflagracio.