| Ĝoja |
 |
| (GMT+08:00) 2007-07-25 16:47:15 |
.jpg)
Karaj amikoj, mi estas Ĝoja, laboras en Ĉina Radio Internacia 5 jarojn. De la 5-a ĝis la 11-a de aŭgusto, mi partoprenos en la 92-a Universala Kongreso, ĉi tiu kongreso estas mia dua kongreso (En 2004 mi partoprenis en la 89-a Universala Kongreso en Pekino) kaj la unua transmara kongreso. Mi estas iom ekscitita, iom nervoza, ĉar por mi ĉi tiu kongreso, okazonta en Jokohamo, Japanio, estas tute nova mondo. Kiujn aferojn mi renkontos, kun kiuj mi amikiĝos kaj kiaj rakontoj okazos ĉe mi? La kongreso estas ankaŭ la defio al mi. Dum la UK, mi unufoje faros intervjuon per televizia kamerao, uzos la belan kaj intiman lingvon Esperanto interflui kun diverslandaj samideanoj kaj en plej mallonga tempo raportos la kongreson en nia radio kaj sur nia reteĵo, ĉi tio estas la honora kaj peza tasko por mi.
Kaj bonvole donu subtenon al mi, mi diligente kaj klopode finos la taskon, kaj ankaŭ atenton al mi, mi gvidos vin apreci apartan Universalan Kongreson! |
