La 10-an de marto en Pekino, s-ro Xiao Yang, estro de la ĉina Plej Supera Popola Juĝejo, diris, ke en la pasintaj 5 jaroj, diversnivelaj juĝejoj de Ĉinio solvis pli ol 70 mil kazojn rilate al la intelekta proprieto.

Pri tio informis s-ro Xiao Yang en sia raporto pri laboro farita en la unua regula jarkunveno de la nov-sesia Tutlanda Popola Kongreso de Ĉinio. Li diris, ke en la pasintaj kvin jaroj, la nombro de kazoj pri atenco al la intelekta proprieto solvitaj de diversnivelaj juĝejoj pliiĝis 1,33-oble ol tiu de antaŭ kvin jaroj.

Samtempe kun la severa bato al krimado de atenco al la intelekta proprieto, Ĉinio plifortigis la batalon kontraŭ krimado pri la intelekta proprieto en la kazoj de kontraŭleĝa entreprenado kaj produktado kaj vendado de falsaj komercaĵoj.