(Hongkong)

Akceptante intervjuon de raportisto en la 6-a de novembro, s-ro Zeng Decheng, estro de Civilafera Buroo de Hongkong-a Speciala Administra Regiono, esprimis, ke nuntempe glate iras preparo de Hongkong-a Olimpika Ĉevalarta Komitato. Hongkong certe prezentos al la tuta mondo elstarajn olimpikajn ĉevalartajn konkursojn kaj faros propran kontribuon por sukcesa okazigo de la Pekinaj Olimpikoj.

Li konigis, ke la registaro de Hongkong-a Speciala Administra Regiono alte atentas okazigon de ĉevalartaj konkursoj de la 2008-a-jaraj Pekinaj Olimpikoj. Koncernaj institucioj de Hongkong ofte faras kontakton kaj bonan kunlaboron kun Pekina Olimpika Komitato. Dum ĉevalartaj konkursoj de "Bonŝanca Pekino" okazigita en ĉi-jara aŭgusto, konkursejo bone traktis pluvegon kaj tajfunon kaj diversaj flankoj donis bonan takson al organizado kaj konkursejo. Farante inspekton en Hongkong, ankaŭ la 29-a Olimpika Interkonsiliĝa Komisiono donis altan takson. Hongkong-a ĉevalarta konkursejo estas rigardata de diverslandaj olimpikaj komitatoj kaj Internacia Ĉevalarta Federacio kiel la monde plej bona.

Konsidere varmecon en Hongkong, Hongkong-a Olimpika Ĉevalarta Komitato instalis klimatizilojn en ĉiuj staloj. Krome ĉiuj ĉevalartaj konkursoj iros ĉe mateno kaj sunsubiro. Estas ne ofte, ke oni instalis klimatizilojn en staloj. Olimpikaj komitatoj de iuj eŭropaj kaj amerikaj landoj faras interkonsiliĝon kun Hongkong-a Olimpika Ĉevalarta Komitato kaj esperas, ke ĉevaloj povos alveni al Hongkong anticipe je 2 semajnoj por kutimiĝi al varmeco kaj klimatiziloj.

(Trejnejo)

Dum la Pekinaj Olimpikoj, 225 ĉevaloj el monde diversaj lokoj alvenos al Hongkong por konkursoj. Hongkong-a Olimpika Ĉevalarta Komitato preparis altkriteriajn stalojn kaj invitis pli ol cent famajn besto-kuracistojn el la tuta mondo inkluzive de la landinterno.

Ĉevalarta konkursejo estas reformita el golfejo. Oni finkonstruis drenan sistemon, kiu povas garantii, ke eĉ renkontante maloftan pluvegon, akvo estu forkondukita en unu horo.

Laŭ informo, okazigo de ĉevalartaj konkursoj de la Pekinaj Olimpikoj estis alte atentata de hongkong-anoj. La unua-perioda bileto-vendado bone iras kaj oni forvendis 40 000 biletojn el 170 000. Baldaŭ ekos la dua-perioda bileto-vendado.

Laŭ konigo, en la venontjara majo oni finkonstruos oficejojn kaj spekto-podion, kiu povas enhavi 180 000 spektantojn. Projektoj pri sekureco-garantio kaj trafiko estas ellaboritaj kaj novaĵa centro estas konstruata laŭ konkretaj postuloj de Internacia Olimpika Komitato kaj Pekina Olimpika Organiza Komitato.

(Ĉeval-Konkursejo)

Ekde la frua periodo de moderna olimpika sporto, volontularo por olimpikoj ĉiam estas nemankigebla parto. Varbado kaj trejnado estas unu el la plej gravaj laboroj. Hodiaŭ ni kune nin alproksimigu al hongkong-a volontula trejnado.

Laŭ plano, Hongkong-a Olimpika Ĉevalarta Kompanio, kiu respondecas pri organizado kaj funkciigado de olimpika ĉevalarta konkurso, varbas volontulojn trifoje. La varbado daŭros ĝis marto de la jaro 2008. En la unua fojo oni planis varbi 200 homojn, tamen 8 000 alvenis por sin anonci; ankaŭ en la dua fojo estis la sama fenomeno. Organizanto ride diris al raportisto, ke tio donas al ili sufiĉan spacon por elekti.

Pekinaj volontuloj plejparte devenas de universitatoj kaj organizanto emas preni studentojn kiel volontulojn. En Hongkong, kiu havas maturan volontulan servon, troviĝas malsama fenomeno. Pli ol duonon okupas la unuafoje varbitaj volontuloj.

S-ro Zeng Chongji, kiu estas laboranto en elektronika kompanio, estas volontulo. Li konigis ilian trejnadon.

"Komence de ĉi-jara marto, ni la unuaj volontuloj iris al trejna karavano en Xigong( lok-nomo en Hongkong). Tie ni gajnis orientadon de tiuj, kiuj estis profesiaj trejnistoj pri volontula laboro en 2000-a-jara Sidneja Olimpiko. Ankaŭ ormedala gajninto de olimpika ĉevalarto ĝuis komprenaĵojn kun ni. En 3-taga kaj 2-nokta trejnado ni konatiĝis kun multaj geamikoj el diversaj departementoj. Ankaŭ trejna enhavo havas profundecon kun scioj pri ĉevalarto. Cetere ni havis trejnadon pri talento de gvidantoj. Ĉar ni estas la unuaj volontuloj kaj bezonas helpi al la kompanio trejni la duajn kaj la triajn, tia trejnado por ni estas granda helpo."

Li ankaŭ opiniis, ke lia propra labora sperto estas ege utila por ke li fariĝu kiel "gvidanto-volontulo", ĉar li mem sin dediĉas en administrado en kompanio.

(Ĉeval-konkursejo en nokto)

Hongkong-a olimpiko-volontula laboro havas alian malsaman lokon, nome, iliaj volontuloj vivas en perfekta volontul-serva sistemo. S-ro Yuan Haixing, administra ĝenerala inspektoro de Hongkong-a Olimpika Ĉevalarta Kompanio, diris:

"Hongkong estas malsama ol la landinterno. Hongkong-aj laborantaj homoj familiariĝis kun volontula laboro jam en universitatoj. Ili havas entuziasmon por esti volontuloj. Eĉ enoficiĝinte, oni esperas plue esti volontulo. Hongkong-a volontula laboro havas longan historion. Pli ol duono de studentoj funkciis kiel volontuloj kaj familiariĝis kun volontula kulturo. Ili estas pretaj." He Yongyin estas ĝuste unu el la pretaj volontuloj de olimpika ĉevalarta konkurso.

Ni nun aŭskultu ŝian rakonton.

"Mia nomo estas He Yongyin. Mi laboris en universitato. Antaŭ tio, mi laboris en radio kaj afiŝa kompanio. Mi volas min dediĉi en amaskomunikila servo, ĉar mia antaŭa sperto povas helpi min. Mi havis multe da ŝancoj min dediĉi al volontula servo, ekzemple virina kaj maljunula edukado. Ĉinio unuafoje havas ŝancon organizi tiel gravan konkurson. Mi estas fiera por esti ĝia volontulo."