Ili esprimis la profundan simpation kaj sinceran konsolon al la ĉina registaro kaj la ĉina popolo, ankaŭ la funebron al la viktimoj de la tertremo. Ili esprimis la admiron pri la heroa spirito kaj fortega penado de la ĉinaj registaro kaj popolo en la kontraŭkatastrofa batalo. Ili esprimis ankaŭ la konvinkiĝon, ke la ĉinaj registaro kaj popolo certe konkeros ĉiujn malfacilojn kaj restarigos la belan hejmlokon.

Intervjuate, japana ambasadoro en Ĉinio s-ro Yuji Miyamoto diris, ke la japana kontraŭsisma sav-taĉmento faros ĉion eblan por serĉi vivantojn, kaj la japana registaro faros plenan kunlaboron kun la ĉina registaro. Ankaŭ ambasadoroj de Usono, Rusio, Hispanio kaj Kanado diris, ke se la ĉina registaro bezonos, la kvar landoj pliigos la helpon. Ambasadoroj de Sud-Afriko, Korea Respubliko kaj aliaj landoj esprimis la kredon, ke kvankam okazis la tiel furioza tertremo, tamen Pekinaj Olimpikoj ankoraŭ okazos sukcese.