Saluton, karaj amikoj! Vi nun aŭskultas elsendon de Ĉina Radio Internacia! Hodiaŭ ni babilos pri urbanizo en Ĉinio. En la nuna tempo urbanizo estas vaste diskutata de la tuta socio kaj ankaŭ atentata fokuso de reprezentantoj de elkamparaj laboristoj. En la registara laborraporto farita en la 5a de marto, 2013, ĉina ĉefministro Wen Jiabao elmetis "kunorde akceli urbaniĝon de migrintoj el vilaĝoj", "krei por civiluloj justan sisteman medion de libera migrado kaj komforta loĝado kaj laborado". En la procezo de urbaniĝo, kiel akcepti grandiĝantan nombron de hejmenrevenintaj laboristoj estas temo kun multaj malfaciloj por urboj kaj urbetoj en la mezo kaj en la okcidento de Ĉinio.