"Haloo, ĉu estas kantejo Qiangui? Mi volas mendi unu loĝieton post 10 minutoj mi atingos." Enaŭtiĝinte, pekina fraŭlino Gao Yuejuan tuj telefonas al la kantejo per sia poŝ-telefono.

La menciita kantejo Qiangui estas memhelpa amuzejo kun formo Liangfan. Antaŭ kelkaj jaroj kiam tia memhelpa amuzejo aperis en Pekino, eble neniu povis supozi, ke nun ĝi estas tiel populara. Multe da ĉinoj elektas la memhelpan kantejon por sin amuzi. La grand-skala memhelpa kantejo per siaj alt-klasaj akustikaj ekipaĵoj, oportuna kaj rapida kanto-elekta sistemo kaj moda memhelpa koncepto formas furiozan defion al tradiciaj kantejoj. Nun en Pekino estas facile trovi tian modernan kantejon.

Do kio estas memhelpa kantejo kun formo Liangfan?

Respondeculo de administrejo pri aferoj de norda Ĉinio sub Qiangui-Amuza Limigita Kompanio sinjoro Zhou Gang konigis al raportisto:

"Fakte memhelpa kantejo kun formo Liangfan estas indukta diro. La vorto Liangfan devenas el Japanio. Liangfan signifas pograndan vendo. La vorto antaŭe estis uzata sur grand-skala merkato. Ĉar tie troviĝas multe da varoj kaj klientoj povas ŝpari monon per amaso da aĉeto. La menciita memhelpa kantejo imitante merkaton funkcias per komerca koncepto de profito malgranda kaj vendo grandkvanta.

Kompreneble klientoj precipe ordinaraj konsumantoj estas altirataj ne nur per simpla skalo-efiko. Popolamasa stilo kaj pokapa konsumo estas karaktero de la kantejo. La plej granda diferenco inter la memhelpa kantejo kun formo Liangfan kaj la tradicia kantejo estas konsuma koncepto. Parolante pri la diferenco, respondeculo Zhou Gang diris:

"Supereco de la nuna memhelpa kantejo kuŝas en tio, ke la publiko povas akcepti konsuman prezon. Aliflanke liverataj ekipaĵoj iom post iom perfektiĝas kaj la tuta medio kaj stilo de la kantejo estas sanaj kaj honestaj. Ĝuste pro la supereco, la nuna memhelpa kantejo povas formi fortan defion al la tradiciaj.

Pekina fraŭlino Gao Yuejuan havas sian propran opinion. Ŝi diris:

"Mi estas kontenta pri tia kantejo. Alt-klasaj akustikaj ekipaĵoj kaj senpaga manĝado ne troviĝas en tradiciaj kantejoj. Cetere, tieaj liverataj kantoj estas plej freŝaj. Dum atendo de loĝio, servantoj transdonas al vi glason da teo. Ankaŭ ornamo de halo kaj loĝio estas komforta. Laŭ mi, tio estas sana kaj brila amuzejo.

Relative travidebla medio, apartiga loĝio, pli moderna ekipaĵo kaj mem-elekta aĉeto en interna malgranda merkato, forlasita tradicia kantejo revigligas pro partopreno de la nuna memhelpa kantejo. Cetere, kompare kun tradiciaj kantejoj, la nuna memhelpa kantejo kalkuas prezon laŭ hora diferenco kaj en ne-ora tempo la prezo estas ege favora. La loĝioj estas dividataj en multajn specojn. De eta loĝio entenanta 2 homojn ĝis granda loĝio kun pli ol 20 homoj, diversa aranĝo estas por diversa postulo.