La urbo Genhe estas la ĉina tipa riĉfonta urbo. Ĝi troviĝas ĉe la piedo de la montaro Granda Xing'an kaj apartenas al la ĉina Aŭtonoma Regiono de Interna Mongolio. Sekve de la malaltigo de konservokvanto de arbaraj riĉfontoj, redukto de hakfaligo kaj la plenumado de la 'inĝenieriaĵo por protekti naturarbaron', kiel aliaj urboj ĉe la montaro Granda Xing'an, la urbo Genhe same alfrontis ŝanĝiĝon de ekonomia subtenilo. En la lastaj jaroj, la urbo laŭ sia propra trajto forte disvolvis trajtajn plantadon kaj bredadon kaj konstruis bazojn da trajtaj plantado kaj bredado.

Geedzoj Bi Ensheng kaj Zong Xiuqing estas unu el homoj, kiuj profitis el la trajta plantado. Antaŭ la plenumado de la 'inĝenieriaĵo por protekti naturarbaron', sinjoro Bi Ensheng laboris kiel arbhakisto, per sia monata salajro je pli ol du cent juanoj de renminbi li vivtenis la familion kun 6 homoj. Tiam la vivo estis ne facila. Antaŭ 7 jaroj, sekve de la plenumado de la 'inĝenieriaĵo por protekti naturarbaron', Bi Ensheng forlasis sian arbhakistan oficon, tiam li alfrontis novan malfacilan situacion: kiel li vivtenos la familion? Ĝuste tiam, nova programo aperis antaŭ li kaj lia edzino Zong Xiuqing.

"Tiam la vivo estis relative malfacila, mi volis iri sur riĉigan vojon, gvidate de la registaro, mi elektis la programon de plantado de orelfungoj. Sen la subtenado de la registaro, mi ne povas disvolvi la programon. La registaro liveris al mi krediton, per la kredito mi plantas orelfungojn kaj akiris bonan profiton. La kuranta jaro jam estas la 6-a jaro, meznombre la jara pura profito superis dekmil juanojn de renminbi. En la venonta jaro, mi vastigos la skalon kaj antaŭkalkule la pura profito atingos du dekmilojn da juanoj de renminbi."