Xia Bin diris, ke la pliigo de kredita proporcio pliigos koston de kredito de entreprenoj, tial kelkgrade reduktos aktivecon de entreprena investo kaj malstreĉos la nunan staton, ke kresko de investo kaj kredito estas tro rapida. Sed samtempe Xia Bin montris, ke oni ne devas dependi nur de la metodo por atingi la celon de reguligo de ekonomia kreskado, samtempe devas alpreni rimedojn en multaj flankoj.

Fakuloj opiniis, ke kompare kun la pliigo en la lasta aprilo, ĉifoja pliigo estas diferenca en detalo, tio ĝuste montris la trajton de homeco de ekonomia politiko de la ĉina registaro.

Unue, la pliigo de interezo en la lasta aprilo altigis nur proporcion de kredito, sed ĉifoje proporcio de deponaĵo kaj kredito samtempe altiĝis, tio signifas, ke longtempa perioda deponaĵo akiros pli altan interezan repagon. Post la pliigo, multaj ĉinoj elektis ŝanĝi kapitalon kiel periodan deponaĵon. Raportisto sciis el filio de Ĉina Banko en Pekino, ke antaŭtagmeze de la dua tago post la pliigo de interezo, centoj da homoj faris transigon de deponaĵo ĉi tie. Laborantino Liu Ying sciigis al raportisto:

"La 19-a de aŭgusto estas la unua tago de la pliigo, tial, multaj klientoj eble ne sciis la pliigon, la negoca kvanto estis malmulta, sed hodiaŭ multaj homoj venis, preskaŭ duono de ili venis por transigo de deponaĵo."