La 29-an de aŭgusto, 649 entreprenoj el Ĉinio, Usono, Britio, Japanio kaj aliaj, sume 18 landoj kaj regionoj, aperis en la 5-a ĉina internacia foiro de instalaĵa fabrikado, kiu inaŭguriĝis en la ĉina nordorienta urbo Shenyang.

Finiĝos la foiro en la 2-a de septembro, dum la foiro okazos forumo de ĉefaj plenumaj oficistoj de mondaj 500 potencoj kaj translandaj korporacioj, jarkunveno de alianco de eŭropaj kaj aziaj instalaĵaj fabrikistoj de 2006 kaj pinta forumo pri informizo de ĉina internacia instalaĵa fabrikado.

Ĉina konsekvenca kaj firma starpunkto pri protekto de intelekta proprieto

La 28-an de aŭgusto, en Pekino, ĉina ministro pri komerco sinjoro Bo Xilai diris al la alvizitanta usona delegito pri komerco sinjorino Susan Schwab, ke estas konsekvenca kaj firma la ĉina starpunkto kaj sinteno por protekti intelektan proprieton.

La ministro diris, ke la ĉina registaro fortigas protektadon de intelekta proprieto de pluraj flankoj, kiaj leĝdonado, trejnado, entreprena memekzamenado, internaciaj interfluoj kaj kunlaboroj kaj akiras rimarkindan efikon.

Sinjorino Susan Schwab diris, ke disvolvi la komercajn rilatojn inter Usono kaj Ĉinio konformas al la bazaj interesoj de la du landoj, la rezulto estas du-gajna eĉ plurgajna.