Fakte estas multaj kamparanoj, kiuj per informa retejo pligrandigas produkton kaj pliigas enspezon, same kiel kamparano Liu Yuanfu.

Filio de Ĉina Kompanio de Universala Integreca Interkomunika Sistemo en la provinco Sichuan konfirmas tri principojn por la "Tianfu Agrikulturo-Informa Retejo": la unua estas, ke necesas garantii kovron de la informa retejo al ĉefaj kamparaj regionoj; la dua estas, ke necesas garantii, ke kosto por uzo de informilo estu eltenebla por kamparanoj; la tria estas, ke liverataj informoj aŭ interkomunikaj servoj estas bezonataj de kamparanoj. Laŭ konigo, poŝtelefono, kiu povas ricevi agrikulturajn informojn, kostas nur du cent juanojn kaj estas 3 juanoj en ĉiu monato por mendi agrikulturajn informojn.

Fakte en funkcia procezo de la "Tianfu Agrikulturo-Informa Retejo", informisto portas sur si taskon kolekti, elekti, ekzameni kaj publikigi informojn kaj estas ponto inter informa stacio kaj klientoj. Ilia pozicio havas gravan signifon.

En ĉiu tago, Xiao Jun, informisto de la unuaklasa informa stacio de la urbeto Tangchang okupiĝas pri redaktado de ĵus ricevataj informoj kaj elsendo de tiuj postredaktataj informoj al lokaj kamparanoj. Parolante pri sia laboro, Xiao Jun sisteme klarigis:

"Kamparanoj interesiĝas ne pri ĉiuj agrikulturaj informoj. Do ni dividas niajn klientojn en diversajn grupojn kaj elsendas informojn laŭ ilia postulo. Ni liveras sintezan informan servon, kiaj eldemando de specialaj informoj, konsulto al specialistoj, publikigo de provizoraj kaj bezonataj informoj, publikigo de registaraj informoj kaj individua interkomuniko."

Fakte en 2003, Xiao Jun komencis servi kiel informisto, tiam nur kelkaj samvilaĝanoj parolis pri informa stacio kaj la retejo. Post iu evento, Xiao Jun komencis konscii gravecon de sia laboro.

Iun tagon de julio de la jaro 2003, Xiao Jun ĝustatempe venis al sia oficejo en la urbeta registara domego. Tralegante la "Tianfu Agrikulturo-Informan Retejon", Xiao Jun atentis iun informon kun jena enhavo: "Morgaŭ kaj postmorgaŭ en la gubernio Pixian regos ventego kaj pluvtorento, bonvole atentigi kamparanojn plifortikigi ŝedojn kontraŭ ventego kaj malvarmeco." Tiam Xiao Jun tuj konsciis, ke samvilaĝanoj probable ne scias baldaŭ okazontan katastrofon.

Li unuflanke rapide elsendis informon al samvilaĝanoj per mallonga mesaĝo en poŝtelefono kaj aliflanke diskutis kun laborantoj de la urbetaj registaroj pri rimedoj kontraŭ ventego kaj pluvtorento. Krom tio, li ankaŭ persone vizitis al hejmo de kamparanoj, kiuj ne mendas agrikulturajn informojn por ke ili sciu la katastrofon.

Post la katastrofo, en la eta informa stacio de Xiao Jun, svarmas samvilaĝanoj. Iu maljuna kamparano per trema voĉo diris: "Vi savas nian rikolton en la tuta jaro."

"Ne, estas aktuala publikigo de agrikultura informo, kiu helpas vin." Xiao Jun kaj parolis kaj malfermis la retejon kaj faris klarigon al samvilaĝanoj pri mistero de la retejo. Li konigis, ke la "Tianfu Agrikulturo-Informa Retejo" estas granda tereno por agrikulturaj informoj. Klientoj de la retejo povas aktuale koni staton de la retejo, se oni havas informon pri aĉetado kaj vendado, li povas publikigi la informon en la retejo por ke pli multaj homoj sciu la informon.

Li konigis al samvilaĝanoj ankaŭ, ke la retejo estas kamparano-helpa informadika sistemo kaj informistoj estas homoj, kiuj helpas samvilaĝanoj kolekti kaj elsendi informojn.

Tiel liaj samvilaĝanoj ekinteresiĝis pri la retejo. En la libera tempo, ili volas veni al la informa stacio por lerni kaj fari interfluon, kaj ankaŭ multiĝas homoj, kiuj kunportas poŝtelefonon.