El: Gong Pukang/ DFICPress (Uzo de tiu ĉi foto estas permesita kaj la kopirajto apartenas al DFICPress)

La Sanjiang-a Dong-nacieca Aŭtonoma Gubernio de la Guangxi-a Zhuang-nacieca Aŭtonoma Regiono en la ĉina suda landparto estas karakteriza je la belaj naturaj pejzaĝoj kaj la simpatia popola moro. En ĉifoja programero ni vojaĝu tien por gustumi "Cent-familian Festenon" kaj ĝui gajan vesperon inter tieaj entuziasmaj naciecanoj.

En la Sanjiang-a Dong-nacieca Aŭtonoma Gubernio ekzistas centoj da dong-naciecaj vilaĝoj, kaj la vilaĝo Chengyang estas la plej distingiĝa el ili. En tiu ĉi dong-nacieca vilaĝo ni konis la "Cent-familian Festenon" de Dong-oj.