Antaŭ nelonge partiaj gvidantoj aŭ gravaj politikistoj de Rusio, Brazilo, Samoo, Egiptio, Maŭrujo, Fiĝioj, Irako, Palestino, Hindio kaj aliaj landoj esprimis, ke ili subtenas Ĉinion leĝe trakti gravan perfortan krimon en Tibeto.

Gennadi Zuganov, prezidanto de la Centra Komitato de la Komunista Partio de la Rusia Federacio kaj prezidanto de Komunista Delegacio de la rusa Dumao, publikigis deklaron, dirante, ke la evento okazinta lastatempe en Tibeta Aŭtonoma Regiono estas zorge planita kaj celas oponi Ĉinion; la Komunista Partio de la Rusia Federacio rezolute subtenas rimedojn, aplikitajn de partiaj kaj ŝtataj gvidantoj de Ĉinio por bremsi la kontraŭleĝan aktivadon, kaj senŝanceliĝe kondamnas la intencon politikigi la Pekinajn Olimpikojn.

Jose Renato Rabelo, prezidanto de la Komunista Partio de Brazilo, sendis leteron al la Centra Komitato de la Komunista Partio de Ĉinio, esprimante, ke la Komunista Partio de Brazilo subtenas Ĉinion leĝe trakti la perfortan eventon en Tibeto, forte oponas la provokon de tibetaj separantistoj kaj kondamnas la perfortan eventon.

Pere de iraka ambasadoro en Ĉinio, iraka prezidento Jalal Talabani esprimis, ke la irakaj registaro kaj popolo kondamnas la gravan perfortan eventon, okazintan antaŭ nelonge en Tibeto.