La 13-an de majo, gvidantoj de iuj landoj esprimis konsolon pro serioza tertremo okazinta en Wenchuan, gubernio en ĉina provinco Sichuan.

Rusa prezidento Dmitri Medvechev alsendis profundan simpation kaj esprimis sinceran konsolon al familianoj de viktimoj. Rusa ĉefministro Putin esprimis, ke Rusio volas liveri necesan helpon al Ĉinio.

Rumania prezidento Traian Basescu kredas, ke sub gvido de la ĉina registaro, la ĉina popolo konkeros malfacilaĵojn kaj kiel eble plej frue rekonstruos la hejmon. Kaj Rumanio volas laŭeble doni necesan helpon.

Pakistana prezidento Pervez Musharraf kaj pakistana ĉefministro Syed Yousuf Raza Gilani kredas, ke la ĉina popolo rekonstruos la hejmon en mallonga tempo kaj la pakistana popolo plenforte subtenos la ĉinan popolon.

Lee Myung Bak, prezidento de Korea Respubliko, alsendis profundan kondolencon al viktimoj kaj instrukciis doni helpon al Ĉinio.

Cetere, itala prezidento Giorgio Napolitano, pollanda prezidento Lech Kaczynski, brazila prezidento Lula kaj meksikia prezidento Felipe Calderon esprimis kondolencon al viktimoj en la tertremo kaj subtenas savadon de la ĉinaj registaro kaj popolo. Krome, ankaŭ la Ministerio pri Eksteraj Aferoj de Rumanio, Japanio, Bhutano, Israelo, Argentino, Kosta-Riko kaj Kolombio esprimis konsolon al Ĉinio.