Tion parolis Nan Youli, prezidanto de Pekina Esperanto-Asocio en la kunveno memore al Laŭlum en la 15-a sabate, kadre de serio da aktivadoj por la Zamenhofa Tago. En sia parolo, Nan Youli nomas Laŭlum "Grandegulo" kaj poezie reliefigis la meritoplenan figuron en Esperantujo.

     Mi parolas ĉi tie nur pri lia instruado en universitato, en kiu mi studis.

     Mi la unuafojon vidis Laŭlum en mia hejmloko Qingdao, kiu faris la ĉinan unuan televidan kurson de Esperanto. Majstro Li Shijun kompilis la lernolibron Espero por nia serio de la kurso. Sed mi vere konatiĝis kun li en la jaro 1989, kiam funkciis la Esperanto-kurso de la fremdlingva fakultato sub Pekina Disaŭdiga Instituto. Li estis la instruisto. Sinjoro Yu Tao, antaŭa ĉefsekretario de ĈEL, estis mia kunlernanto, li rememoris:

   "Li loĝis en la instituto, kaj laboris tiutempe eĉ pli diligente ol ni. Tiam ni ne tute komprenis lin, sed nun mi komprenis, ke li estas idealisto, kaj ĉiam energie ofertas al la idealo disvastigi Esperanton."

     Liaopinie, oni devas lerni de Laŭlum kaj agadi laŭ lia maniero.

     Kia estas lia maniero? Esperantujo scias. Li dumvive sindediĉis al Esperanto-laboro, kaj la sukcesa atingo kulminas en sia tradukado de tri el ĉinaj klasikaĵoj. Li kompilis multe da lernolibroj krom por la televida kurso. Li kompilis vortarojn, kaj la plej freŝa eldonita estas la miniformata Esperanta Vortaro por Infanoj kune kun sia filo, Li Chaoyang, kiu vivas ĉiam ĉe la patro. Ni povas vidi la homvojon de Laŭlum el la konigo de Li Chaoyang. Li citis taglibron de unu el la instruistoj de mezlernejana Li Shijun.

    "La 25an de julio, 1939, marde pluvo

       ……lernejano Li Shijun estas aminda knabo, lastatempe spektinte lian prezentadon sur scenejo, mi sentas, ke li tre similas al laboristeto. Poste mi scias, ke li scipovas gravuradon kaj lertas en aliaj metiartoj. Mi aŭdis ankaŭ, ke li venis el Hebei-provinco kaj kunportis sakon da libroj pezaj je 30 kilogramoj. Li ĉiam diligente legas la librojn, kvankam li ne povas tute kompreni ilin…..mi mem skribis artikolon sed ne sentas ĝojon, tamen vidante Li Shijun fari gravuradon, tuj mi ekĝojis."