Spertado de kampara vivo, partopreno en agrikultura laboro, gustumo de plej freŝaj manĝaĵoj de kamparanoj kaj persona kontaktiĝo kun la naturo estas la vivo, kiun urbaj loĝantoj tre sopiras. Nun, ĉi tiu amuza maniero proksima al naturo jam estas tre populara en ĉinaj ĉemaraj provincoj, kies ekonomio estas evoluinta.

La provinco Zhejiang estas unu el ili. En oktobro de la lasta jaro, kvarsezona agrikulturscienca ekologiteknika eksplulata korporacio kreis programon nomitan "amuza vilaĝo Anji". Laŭ konigo, ĉi tiu estas la unua privata bieno de la sistemo de membroj en la provinco Zhejiang. En la bieno, membroj povas posedi bienon, inkluzive de lignodomo, teĝardeno aŭ legomĝardeno, la areo povas atingi 0,06 hektaron kaj la uza tempo estas 30 jaroj.

Ĝenerala direktoro de la korporacio sinjoro Xie Wei diris, ke post publikigo de la unua periodo de la programo, en 2 tagoj bienoj estis tute menditaj.

"Nun ni havas 3 specojn de lignodomoj. La unua konformas al familio kun 3 membroj, ĝi havas necesejon, gastsalonon, unu ĉambron kaj balkonon. La dua konformas al la familio kun multaj membroj, ĝi havas ĉefe du ĉambrojn kaj gastsalonon. Kaj la tria havas kvar ĉambrojn, du gastsalonojn, du necesejojn kaj kuirejon, ĉi tia domo estas granda."

Laŭ konigo, prezo de ĉi tiuj bienoj estas preskaŭ de 90 mil ĝis pli ol 100 mil juanoj, prezo de diversaj specoj estas iom diferencaj. Xie Wei diris, ke profito el tea ĝardeno, luita de membroj, apartenas al membroj. Kiam mastro ne loĝas en lignodomo kaj lignodomo estas libera, administristoj povas helpi al la mastro luigi ĝin kaj la enspezo apartenas al la mastro.