Omar Ahmed Albitar

La 26an de oktobro, Omar Ahmed Albitar, ambasadoro de Unuiĝintaj Arabaj Emirlandoj al Ĉinio, esprimis en Pekino, ke la granda sukceso de Ĉinio pruvis, ke la Komunista Partio de Ĉinio povas fari ĝustan takson kaj prudentan decidon por la longtempa kaj stabila disvolviĝo de Ĉinio.

Intervjuate de raportisto de Ĉina Radio Internacia, Omar diris, ke kvankam pasis nur pli ol 30 jaroj post la komenciĝo de la reformado kaj malfermo en Ĉinio, tamen Ĉinio jam fariĝis la 2a granda ekonomio en la mondo. Tio sufiĉe pruvis, ke la Komunista Partio de Ĉinio povas serioze kaj ĝuste ellabori politikojn pri la disvolviĝo. Omar diris,

"En la pasintaj 30 jaroj Ĉinio tre emfazis la gravecon de la merkato. Senĉese disvolviĝis la reĝima koncepto de ĉinaj gvidantoj. Kaj ili ankaŭ riĉigis kaj perfektigis la spertojn de socialisma disvolviĝo per lernado de kapitala merkato. Formiĝis la evoluiga modelo de socialismo kun la ĉinaj trajtoj."