Nun multaj evoluantaj landoj vizaĝas al la problemo, ke kvankam multiĝis iliaj komercaj interŝanĝoj kun fremdaj landoj, tamen iliaj kulturoj ne estas bone komprenataj de aliaj landoj. En la lastaj 30 jaroj post komenciĝo de la reformado kaj la malfermo rapide disvolviĝis la ĉina ekonomio. La ĉiutaga vivo de fremdlandanoj plenas de produktaĵoj fabrikitaj de Ĉinio. Tamen la impreso de tiuj fremdlandanoj pri Ĉinio restas malnova. Ili eble opinias, ke Ĉinio estas orienta lando mistera kaj postiĝinta. Pro manko de scioj pri Ĉinio multaj fremdlandanoj surpriziĝis pri la rapida disvolviĝo de Ĉinio. Ili eĉ maltrankvilas pri tio.

Ĉina eksa ambasadoro en Brazilo Chen Duqing plurfoje faris prelegojn konigante la ĉinan kulturon. Li iam diris intervjuate, ke kvankam nun Ĉinio jam fariĝis plej granda komerca partnero de Brazilo, tamen la du popoloj malmulte konas unu la alian.

"Miaj brazilaj amikoj diris al mi, ke kvankam estas pli kaj pli kompaktaj la ekonomiaj kunlaboroj inter Ĉinio kaj Brazilo, tamen la brazila popolo ankoraŭ ne multe scias pri Ĉinio. Ankaŭ la ĉinoj nemulte konas nenion alian pri Brazilo krom futbalo, kafo kaj sambo. Por akceli la interkomprenon ni devas fari penadon en diversaj kampoj, precipe en la kultura kampo. "

Chen Duqing opiniis, ke por ŝanĝi tian staton Ĉinio devas kaj disvolvi la ekonomion kaj forte antaŭenpuŝi la kulturan interŝanĝon. Tio celas komprenigi la ĉinan kulturon al fremdlandanoj kaj elimini miskomprenon. Li opiniis, ke Ĉinio devas fari efikajn interŝanĝojn kun aliaj landoj antataŭ sin pravigi.