Lastatempe, la urbo Zaozhuang gastigis la 5-an Internacian Festivalon de Esperanto sub la aŭspicioj de Zaozhuang-a Esperanto-Asocio,Pola Internacia Turisma Instituto kaj Zaozhuang-a Profesia Kolegio. 12 esperantistoj el Pollando, Koreio kaj Japanio kune kun pli ol 100 ĉinaj esperantistoj partoprenis en la festivalo, kaj elvolvis serion da programoj.

Ĉina Esperanto-Ligo sendis la mesaĝon: "Zaozhuang-a Esperanto-Asocio estas unu el la elstaraj esperanto-asocioj en la lando. Pasintjare, la 10-a Tutlanda Kongreso de Esperanto okazis en Zaozhuang kaj samtempe oficiale malfermiĝis la Esperanto-Muzeo. Kurantjare inaŭguriĝis Internaica Esperanto-Arbaro en la urbo. Ĉio ĉi fariĝu bela gravuro de Esperanto en Ĉinio. Ni kredas, ke en proksima estonteco, Zaozhuang estu bela Esperanto-urbo en Oriento."