Estas diraĵo, ke neniu monto meritas la viziton post vojaĝo al la kvin famaj montoj de Ĉinio, kaj neniu vilaĝo meritas la vidon post vizito al Wuyuan-aj vilaĝoj!

Wuyuan, la malgranda loko nemarkita sur la mapo, meritas la renomon — la plej bela loko de Ĉinio. Kiom bela ĝi estas? Ni unue aŭskultu la konigon de sinjoro Lin Xianjun, unu el la ĉefoj de Wuyuan-gubernio.

"Wuyuan-gubernio sin trovas ĉe limoj de la provincoj Anhui, Zhejiang kaj Jiangxi kaj posedas tre belan ekologian medion. Paralele ĝi havas apartajn morojn kaj ĉarman kulturon. La antikvecaj vilaĝoj, konstruaĵoj, kaj pontoj estas dislokitaj en la gubernio je 3 mil kvadrataj kilometroj. La beleco de Wuyuan kuŝas en perfekta integriĝo de la ekologio kaj la kulturo, en akorda kunekzistado inter homoj kaj la naturo."