Karaj amikoj, Festo Qingming en la 4a de aprilo estas tradicia festo de Ĉinio por rememori antaŭulojn kaj forpasintojn. Hodiaŭ ni kune babilu pri la Festo Qingming.

La ĉina festivalo Qingming okazas la 4-an aŭ 5-an de aprilo, malofte ankaŭ la 6-an de aprilo. Ĝi estas la festo de memorigo pri la mortintoj. Temas pri la nura tradicia festo, kies dato ne estas kalkulita laŭ la kamparana luna kalendaro, sed kiu okazas ĉiam la 15-an tagon post la komenco de printempo, do kutime la 5-an de aprilo.

Oni balaas la tombojn, deponas antaŭ ilin nutraĵojn, florojn kaj aĵojn, kiuj iam plaĉis al la mortintoj. Oni bruligas olibanajn stangetojn kaj mortomonon.

1 2 3