La 5-an de marto en Pekino, ĉina ĉefministro Wen Jiabao esprimis, ke en la nova jaro, Ĉinio persistas en la sendependa kaj memdecida paca diplomatia politiko, persistas en paca disvolviĝo kaj la reciproke utila kaj komune gajna malferma strategio kaj antaŭenpuŝas konstruadon de konstante paca kaj komune prospera harmonia mondo.

Tion esprimis Wen Jiabao en la registara laborraporto farita tiutage en la unua jara regula sesio de la nova Tutlanda Popola Kongreso. Parolante pri proponoj al regado de la nova registaro, Wen Jiabao diris, ke oni devas klopode disvolvi rilatojn kun evoluintaj landoj, ĉiuflanke profundigi bonnajbarajn amikajn rilatojn kun najbaraj landoj, energie fortigi solidarecan kunlaboron kun evoluantaj landoj, aktive evoluigi plurflankan diplomation, antaŭenpuŝi taŭgan solvadon de gravaj problemoj kaj tutmondaj problemoj kaj protekti laŭleĝajn rajtojn kaj interesojn de ĉinaj civiluloj kaj leĝaj personoj eksterlande.