La 10-an de marto en Pekino, ĉina ministro pri komerco Chen Deming diris en gazetara konferenco de regula jarkunveno de Tutlanda Popola Kongreso, ke Ĉinio esploras, kiamaniere entreprenoj kun efektivaj fortoj sin eligu kaj progresu en transmara fuziigo.

Li diris, ke eŭropaj landoj elmetis al Ĉinio multajn programojn kaj esperis fari kunlaboron kun Ĉinio, kiam ĉina aĉetgrupo lastatempe vizitis 4 okcidenteŭropajn landojn. La ĉina registaro ĉi-rilate tenas aktivan sintenon kaj esperas, ke ĉinaj entreprenoj kun efektivaj fortoj sin disvolvos en aliaj landoj.