Usui intervjuas gastiganton s-ro Li Yagen

La ekskurso finiĝis per komuna tagmanĝo. Mi ne povis multon kompreni el la konversacioj inter multaj te-produktantoj ĉeestantaj, kiuj, kiel mi jam skribis, nun travivas malfacilan tempon sub la influo de la ekonomia krizo tutmonda. Sed mi almenaŭ komprenas, ke ili formas amikan "rondon familian" kaj povas ankaŭ senti el ilia vigleco, ke ili trovos rimedojn por venki la nunajn malfacilaĵojn. Post kelk-taga kunestado mi eksentas tiom da simpatio al niaj te-produktantoj, ke mi ne povas ne bondeziri al ili sukceson en ilia laboro.