Inaŭguriĝis la kvara sesio de la 12a NPK de Ĉinio

La 12a Nacia Popola Kongreso (NPK), la nacia parlamento de Ĉinio, malfermis sian kvaran sesion sabate matene en la Granda Popola Halo en Pekino.Ĉefministro Li Keqiang faris raporton pri registara laboro en la malferma kunveno prezidita de Zhang Dejiang, prezidanto de la Konstanta Komitato de la Nacia Popola Kongreso kaj plenuma prezidanto de la sesia prezidio.

Preskaŭ 3 000 deputitoj por la Nacia Popola Kongreso ĉeestis la malferman kunvenon kune kun superaj kompartiaj kaj ŝtataj gvidantoj Xi Jinping, Yu Zhengsheng, Liu Yunshan, Wang Qishan kaj Zhang Gaoli.