Rusio bedaŭras foreston de siriaj ribeluloj en astana kunveno

Alexander Lavrentyev, estro de la rusa delegacio por la astana kunveno pri la siria problemo, diris marde, ke li bedaŭras, ke siriaj armitaj ribeluloj rifuzis ĉeesti la trian altnivelan kunvenon pri la siria problemo. Li opiniis, ke la armitaj ribeluloj fabrikis motivojn por la rifuzo.

La ribeluloj rifuzis ĉeesti la kunvenon pretekste, ke la interkonsento pri militpaŭzo ne estis observita kaj la rusa aerarmeo bombadis iliajn poziciojn.

Lavrentyev diris, ke la rusa flanko ne konsentis pri la motivoj, opiniante, ke la streĉa situacio en Sirio estis ege mildigita, kvankam estis ankoraŭ iuj provokaj agoj.