Ĉefministro vokas transmarajn ĉinojn partopreni en novigado kaj ekonomia kunlaboro

Ĉefministro Li Keqiang lunde vokis transmarajn ĉinojn aktive partopreni en la novigado de la lando kaj ĝia ekonomia kunlaboro kun aliaj landoj de la mondo.

Li faris la alvokon dum renkontiĝo kun delegitoj por la dua industria kaj komerca kongreso de transmaraj ĉinoj en Pekino. Li diris, ke la ĉina ekonomio subtenas stabilan kreskon kun pozitiva perspektivo kaj la registaro fidas pri atingo de la jaraj disvolvaj celoj.