Ĉefo de UN bonvenigas interkonsenton de Usono, Rusio kaj Jordanio pri militpaŭzo en Sirio

Proparolanto de ĝenerala sekretario de la Unuiĝintaj Nacioj publikigis deklaron, esprimante bonvenon al la interkonsento, kiun atingis Usono, Rusio kaj Jordanio por realigi militpaŭzon kaj faciligi la humanitaran agadon en sudokcidenta Sirio.

La deklaro diris, ke ĝenerala sekretario de la UN Antonio Guterres opinias, ke la interkonsento estas grava paŝo por redukti konfliktojn, pliigi helpajn kanalojn kaj realigi ampleksan militpaŭzon en Sirio.

La deklaro diris ankaŭ, ke okaze de la nova ĝeneva intertraktado pri Sirio sub la dominado de la UN, la ĝenerala sekretario urĝas ĉiujn partiojn duobligi siajn klopodojn por politika kompromiso pri la siria demando.

Vendrede de la lasta semajno en Amano, Usono, Rusio kaj Jordanio venis en akordon pri subteno al la militpaŭzo en sudokcidenta Sirio. La interkonsento validiĝis en la 9a de julio.