Usono proklamis novajn sankciojn kontraŭ Irano

Marde la usona Departemento pri Financo kaj la Ŝtata Departemento proklamis efektivigon de novaj sankcioj kontraŭ 18 iranaj individuoj kaj entoj pro la kialo, ke ili subtenis planon de balista misilo de Irano kaj rilatas al translandaj krimoj.

La Departemento pri Financo diris en deklaro, ke kvin individuoj kaj 7 entoj suspektataj pri subteno al la irana armeo aŭ la Islama Revolucia Gvardio estis metitaj en la liston de sankcioj. Cetere, translanda krima grupo, kies ĉefstabejo troviĝas en Irano, kaj tri koncernatoj estis enigitaj en la liston. Ankaŭ du iranaj institucioj suspektataj pri partopreno en la balistmisila plano estis enlistigitaj.

Laŭ la rimedoj de sankcioj, la aktivoj de tiuj enlistigitaj individuoj kaj entoj en Usono estos frostigitaj, kaj usonanoj estos malpermesataj pri negoco kun ili.