Libana ĉefministro Hariri retiris sian rezignon

Libana ĉefministro Saad Hariri marde retiris sian rezignon, kio metis finon al la ŝtormo estigita de li.

Tiutage libana prezidento Michel Aoun prezidis specialan kunvenon de la kabineto, la unuan kunsidon de la kabineto post kiam Hariri deklaris demision en la 4a de novembro.

En deklaro publikigita post la kunveno, la kabineto esperimis bonvenon al lia retiro de la rezigno kaj unuanime aprobis la novan politikon ne implikiĝi en regiona konflikto. Ĉiuj politikaj frakcioj de la lando promesis, ke ili ne enmiksiĝos en iun ajn regionan disputon, konflikton aŭ militon kaj estos fidelaj al tiu politiko.

Hariri subite deklaris rezignon pri ĉefministreco en la 4a de novembro dum vizito en Saud-Arabio kaj akuzis Iranon kaj ĝian agenton Hezbollah pri interveno en aferojn de arabaj landoj. Sub la mediacio de Francio, Hariri revenis al sia lando en la 21a de novembro kaj deklaris prokrasti la rezignon.